Jowai, Naiwieng 01
Ka Mooknor Thadmuthlong ka la jop da 1-0 kol ïa ka Evergreen Mukhla ha ka jingïalehkai 1st Division Football Tournament ba la pynïaid da ka West Jaiñtia District Sports Association (WJDSA) kaba la long ha madan Kiang Nangbah Stadium, Jowai ha ka Sngi Thohdieng.
Ïa kane ka shi kol, ka Mooknor Thadmuthlong ka la ïoh ban thep shwa ban wai ka kylla step lyngba u Apshwa Tyngkan ha ka minit kaba 41 bad kane ka kol kala neh haduh ba kut ka jingïalehkai.
Ha ka Sngi Saitjaiñ ka jingïalehkai kan long hapdeng ka Mynthong bad Moosalyngkat ha ka por 2.00 baje nohphai sngi.
