Shillong, Naiwieng 03
Ka Sohryngkham SC ka la ïassam mar shi point bad ka Nongkseh SC ha ka lympung ïalehkai 1st Division Football League 2024 ba la pynïaid da ka Shillong Sports Association, hadien ba ki la ïakhaid mar 1-1 kol ha ka Sngi Saitjaiñ ha SSA Stadium, Polo.
Ha katei ka jingïakhun ka Sohryngkham ka la ïoh ban pynkhih jar nyngkong eh lyngba u Daiomeki Kharpran ha ka minit kaba 13, hynrei ka Nongkseh ka la lah ban pynïakhaid kylla ha ka kylla miet lyngba u kapten u Chesterpaul Lyngdoh ha ka minit kaba 57.
Ka lympung ïalehkai Shillong Premier League 2024 kan bteng ha ka lah sngi U Blei hapdeng ka Nongthymmai SC bad ka Laitkor SC (por 5 baje janmiet).
