Shillong, Naiwieng 04
Ka Sorkar Jylla ha ka Lah Sngi U Blei ka la ai jingmynjur ban pynsdang biang ïa ka Physical Efficiency Test (PET) ban thung kam hapoh ka tnat Civil Defence & Home Guard, ka ban treikam naduh ka 18 tarik Naiwieng haduh 21 tarik Naiwieng 2024.
Ki kyrtong aplai kam kiba dei ban ïakhun ïa ka Physical Measurement Test (PMT) bad Physical Efficiency Test (PET) ha ka 4,5,7 bad 8 tarik Risaw 2024 bad kito kiba la pass ïa ka PMT bad ïashim bynta ha ka PET ba long ha ka 2 bad 3 tarik Risaw 2024, kin hap ban download biang ïa ka admit card bathymmai na ka website ka tnat www.meghomeguards.gov.in na ka bynta ki tarik ba kin hap ïakhun.
Ïa ka ‘link’ ban ïoh admit card yn sa pyllait naduh ka 6 tarik Naiwieng 2024 lyngba kane ka website.
Ïa kane la pynbna da u Bah PH Shylla, Senior Staff Officer bad Addl. Public Relations Officer ka Directorate of Civil Defence & Home Guards.
