Shillong, Naiwieng 04
Ka jingïaid lynti u Sumit Nagal ha ka Moselle Open ka la poi sha kaba kut namar ba u la weng noh ïa-lade hadien ka jingïakhun ka wat ba nyngkong pyrshah ïa u Corentin Moutet na France ha ka sngi Saitjaiñ.
Ha katei ka jingïakhun u Nagal u la shah tsam da 5-7, 0-4 hashwa ba un weng noh ïalade na katei ka jingïakhun.
Utei u rangïalehkai na ri India uba la 27 snem ka rta, uba la jam sha ka wat ba ar jong ka Australian Open ha kaba sdang jong une u snem, u la paw kumba u la lah ban tehlakam da kaba lamkhmat da 5-2 kol ha ka set kaba nyngkong hadien ba u la shah pynpra noh ha u Moutet hadien ba u la ngat ha ka jingmynsaw.
Hynrei ka la wanrah ka jingkylla ha kaba u Nagal u la shah rem khyndai sien lynter, ha kaba khatduh u la pynshah pynhap noh ïa ka set kaba u la khur nyngkong da 5-7.
Kane ka jingjop ka dei kaba saw jong ka Moutet ïa ka Nagal ha ki hynriew sien ïakhun jong ki, ha kaba ka jingïakhun kaba dangshen jong ki ka long ha ka Paris Olympics mynta u snem, ha kaba u Moutet ruh u la khur ïa ka jingjop.
