Jowai, Naiwieng 05
Ka Demthring bad Nangbah Mulang ki la ïoh jingjop ha kaba sdang ïa ka Super Division Football Tourna-ment (U Kiang Nangbah Memorial Trophy) ba la pynïaid da ka West Jaiñtia District Sports Association (WJDSA) hadien ba la pynliem noh ïa ka Lumiawmushai da 4-0 kol ha ka Sngi Ba-ar ha Kiang Nangbah Stadium, Jowai.
Kane ka nam jop ka la wan urlong lyngba ka jingïalehkai bha ki rangïalehkai ha kaba u Justerwell Tham u la thep ar kol ha ka minit 12 & 50, katba ïa kiwei pat la thep da u Wadahwa Lato (33) bad Marshial Nongrum haka minit kaba 90.
Haba phai sha kawei pat ka jingïakhun ba ar, ka Nangbah Mulang ka la jop da 2-1 kol ïa ka Wahïajer. Ïa ki kol jong ka Nangbah Mulang la thep da u Niponghi Sumer ha ka minit kaba 45 bad Precious Tang ha ka minit 68. Katba na ka liang ka Wahïajer ka al pynphai kylla shi kol lyngba u Riburom Jat ha ka minit 87.
Kane ka lympung kan bteng biang ha ka sngi Palei hapdeng ka Sailung Ïalong pyrshah ïa ka Ladthadlaboh SC ha ka por 11 baje mynstep, katba ka 7 Wasa United ïa ka Mukhla Raij SC ha ka por 2 baje nohphai sngi.
