Amlarem, Naiwieng 05
Ka Padu United, Shken-pyrsit SC bad Sankhat SC ki la ïoh jingjop ha ka lympung ïalehkai Lower Division, katba ka Jaraiñ C&SC bad Dong-mihsngi Mupyut ki la ïasam mar shi point ha ka Super Division Football League ba la pynïaid da ka Amlarem Sub Divisional Sports Association (ASSA) ha ka Sngi Ba-ar ha Mini Stadium Ladjaplem, Amlarem.
Ha ka jingïakhun jong ka Lower Division, ka Padu United ka la pynliem noh ïa ka YC Moosakhia da 2-0 kol. Kane ka nam jop ka la wan urlong lyngba ki ar kol ba la thep da u Wanjop Pohlong ha ka minit 41 bad 52.
Ha ka jingïalehkai kaba bud, ka Shkenpyrsit SC ka la jop da 1-0 kol ïa ka Nongtalng SC bad ïa kane ka kol la thep da u Donbok Sana ha ka minit kaba 23.
Ha kawei pat ka jingïalehkai ka Sankhat SC ka la pynliem ïa ka Amtasam SC da 1-0 kol lyngba u Kordor Suting uba la ïoh thep ha ka minit 65.
Haba phai sha ka jingïalehkai Super Divi-sion hapdeng ka Jarian CSC bad Dongmihsngi Mupyut ki la ïakhaid khlem da lah ban pynkhih jar haduh kaba kut ka jingïalehkai.
