Jowai, Naiwieng 06
Ka Khliehïongriang SC ka la rung sha ka semi final ha ka 1st Division Football Tournament ba la pynïaid da ka West Jaiñtia District Sports Association (WJDSA) hadien ba jop ïa ka Mynthong da 1-0 kol.
Kane ka la wan hadien ba ka la jop ïa ka jingïalehkai ba khatduh ka ba long hynnin ka Sngi Balang ha Kiang Nangbah Stadium.
Kane tnoit shi kol jong ka Khliehïongriang la thep da u Juhhi Langshiang (74) kaba la biang pura ban ïoh jingjop syndon.
Da kane ka nam jop ka Khliehïongriang kan aireng pyrshah ïa ka Chutwakhu ha ka semi final ba nyngkong ha ka 11 tarik Naiwieng ha ka por 1:30 nohphai sngi, ka semi final ba ar kan long hapdeng ka Mooknor Thadmuthlong pyrshah ïa ka Sohmynting ha ka 12 tarik Naiwieng ha ka por 1:30 nohphai sngi.
