Amlarem, Naiwieng 07
Ka Umladkhur SC ka la khur jingjop ha ka Super Division ba la pynïaid da ka Amlarem Sub Divisional Sports Association (ASSA) hadien ba ka la pynliem noh ïa ka Pdengkarong da 3-0 kol ha ka sngi Palei ha Mini Stadium Ladjaplem, Amlarem.
Kane ka nam jop ka la wan urlong lyngba ki kol ba la thep da u Baïeid Thoiñ Shylla ha ka minit kaba 11, kumjuh u Agustin Buam (33) bad u Khamti Lamurong ha ka minit 78.
Katba ha ka Lower Division, ka Ïaikyntiew SC ka la jop da 2-1 kol ïa ka FYC Amtapoh, ka Syntong Welfare ka la jop da 4-2 kol ïa ka EYC Amjalong, katba ka Mawlong SCC bad SCC Samanong ki la ïakhaid khlem da lah ban pynkhih jar.
