Shillong, Naiwieng 07
Phra ngut ki khynnah ïalehkai ka Jylla ki la shah jied ban leit shim bynta ha ka lympung ïalehkai 3rd Mini Under-11 East Zone National Roll Ball Championship, kaba la thmu ban pynlong ha Kolkata, West Bengal naduh ka 9 haduh 10 tarik mynta u bnai ha IEM Salt Lake, West Bengal.
Ka kynhun ryngkat bad ki nongkitkam, bad u Bah Suklang Dkhar kum President jong ka MRBA ki la ïa don lang bad ki khynnah ban pynkhreh ïalehkai pyrshah bad ki kynhun kiba la tbit bha kiba na Assam, Bihar, Chhattisgar, Jharkhand, Arunachal Pradesh, Odisha, Sepngi bad ka Sikkim.
Ki khynnah ïalehkai ka Jylla ki kynthup ïa u Ezra M Kharnongrum (kapten) na ka skul May Fair Secondary School, Shillong, Ivaan Agarwal (Vice-Captain) na ka BDW International School, Saiansh Kansal (BDW International School), Aarav Jain (BDW International School), Ridhaan Poddar (Army Public School), Sachiv Choudhary (Seven Set Hr. Sec. School), Aayansh Agarwal (BDW International School) bad u Banshanlang Nongbri (St. Anthony’s LP School). Ïa kane ka kynhun yn ïalam da u Coach, Bah Caldy Steward Nongsiang (WKHD).
Kumta na ka liang ka Meghalaya Roll Ball Association ka la ai khublei kitbok ïa kitei ki khynnah ba kin lah ban ïalehkai bha khnang ba kin lah ban wanrah burom ïa ka Jylla.
