Jowai, Naiwieng 10
Ka 7 Wasa bad ka Lad-thadlaboh ki la khur jingjop ha ka Super Divi-sion Football Tournament (U Kiang Nangbah Memorial Trophy 2024) ba la pynïaid da ka West Jaiñtia District Sports Association (WJDSA) ha ka sngi Saitjaiñ ha Kiang Nangbah Stadium, Jowai.
Ha ka jingïalehkai kaba nyngkong, ka 7 Wasa ka la pynliem noh ïa ka Sailung Ïaiong da 4-0 kol. Ïa kine la thep da u Niewkor Sana ha ka minit kaba 60, Teiborlang Malang (72) bad u Jeff K. Rymbai (84 & 90).
Haba phai sha kawei pat jingïalehkai kaba bud, ka Ladthadlaboh ka la jop da 2-0 kol ïa ka Mukhla Raij. Ïa kine la thep da u Promise Suting (39) bad u Dowell John Shylla (79).
Ka jingïalehkai ha ka Lah Sngi U Blei kan long hapdeng ka Shangpung Lumiawmushai bad ka Wahïajer ha ka por 11 baje mynstep.
