Shillong, Naiwieng 10
Ka lympung ïalehkai U-14 Football Tournament 2024 ba la pynïaid da ka Maraikaphon Youth Club ka la poi sha kaba kut ha ka Sngi Saitjaiñ ha kaba ka Mawreng Junior Academy ka la long ka lahduh hadien ba ka la lah ban pynliem noh ïa ka MYC da 1-0 kol.
Katei ka nam jop ka la wan urlong lyngba ka shi kol ba la thep da u Lamangdorlang Kharlukhi ha ka minit kaba 60 hadien ba katei ka jingïakhun final ka la long kaba itynnat bad kaba ïa biang bor bha ha madan Maraikaphon kaba ha Sohra.
Ha katei ka sngi pynhap pyrda la ïadon lang u MLA ka Sohra, Bah Gavin Miguel Mylliem kum u kongsan ryngkat u MDC, Bah Titos Chyne ha ryngkat ka jingïadon lang ki dkhot jong katei ka klob bad kiwei.
Lyngba katei ka nam jop ka Mawreng Junior Academy ka la ïohpdiang ïa ka song pisa ba T. 25 hajar ryngkat lang bad ka trophy, katba ka MYC ka la ïoh T. 10 hajar ryngkat lang bad ka trophy. U Medridronard Nongrum u la ïohpdiang ïa ka nam Best Goalkeeper bad u Ksanmiiaki Thabah ïa ka nam Top Scorer. Kine baroh ar ngut ki dei na ka MYC. U Greaterrichson Rani u la ïoh ïa ka nam Best Player bad u Lamangdondor Kharlukhi u la ïoh ïa ka nam Man of the Match, kiba na ka Mawreng Junior Academy.
