Khliehriat, Naiwieng 10
Ka Shilliang Umshong SC bad Wahïajer Narpuh YSSC ki la jam sha ka semi final jong ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Ha ka jingïalehkai quarter final kaba la long ha ka Sngi Saitjaiñ ha madan Artificial Turf Diengshynrum kaba ha Khliehriat, ka Shilliang Umshong SC ka la pynliem noh ïa ka Jalyiah United da 5-2 kol. U Henjoymang Khongsai u la khyrwit da ka hat-trick ha ka minit kaba 31, 83 bad 90 ha kaba la bynrap sa u Lhunminthang Thauthang ha ka minit kaba 46 bad u Besterly Ksih ha ka minit 44. Katba ïa ki kol jong ka Jalyiah la thep da u Hamran Siangshai ha ka minit 7 bad Wansalan Dkhar ha ka minit 53.
Ha ka jingïakhun kaba bud, ka Wahïajer Narpuh ka la pynliem noh ïa ka Rymbai Wahshnong SC lyngba ka tie-breaker da 4-1 kol hadien ba ki la ïakhaid mar 2-2 kol. Ïa ki kol jong ka Wahïajer Narpuh la thep da u Any Manner ha ka minit kaba 37 bad u Justme Ryngkhlem (45), kat-ba ïa ki kol jong ka Rymbai Wahshnong la thep da u Meaibanteibok Dkhar (25) bad u Ronaldo Poit (81).
