Shillong, Naiwieng 11
U Chief Executive Member (CEM) jong ka Khasi Hills Autonomous District Council (KHADC) u Bah Pynïaid Sing Syiem u la ai khublei kitbok-kitrwiang ïa ki khun ki hajar jong ka Hima Khyrim ha ka sngi kyrpang jong ka Shad Nongkrem.
“Nga ai khublei kyrpang bad nga kitbok-kitrwiang ïa ki khun ki hajar jong ka Hima Khyrim khamtam ïa kiba shim bynta ha ka Shad bad ha ka Pomblang. Ai ba kane ka jinglehkmen kan wanrah ïa ka jingsuk, jingshngaiñ, ka jingkyrkhu kyrdoh, ka bha ka miat bad ka pahuh-pahai ïa baroh bad ai ba kane ka Shad Nongkrem kan long kaba suk ba kmen ïa baroh.”
