Shillong, Naiwieng 11
Ka Selection Committee jong ka Meghalaya Cricket Association (MCA) ka la jied ïa ka kynhun kaba don 15 ngut ki ‘rangïa-lehkai ryngkat bad kiwei kiba la pynap lypa ban pynkhreh na ka bynta ka jingïakhun kaba san bad kaba hynriew jong ka Ranji Trophy 2024-25.
Ka Meghalaya ka la leit sha Vadodara ban ïakhun pyrshah ïa ka Baroda naduh ka 13 haduh ka 16 tarik mynta u bnai. Hadien kane kan don ka jingsangeh shwa ban ïakhun ïa ka Odisha kaba hynriew ha Shillong naduh ka 23 haduh ka 26 tarik u Kyllalyngkot 2025.
U Kishan Lyngdoh u la shah sloit noh na ka jinglong kapten bad yn shimti noh da u Akash Kumar Choudhary ha kine ar tylli ki jingïakhun, ha kaba u Dippu Sangma un long kum u vice-captain.
Ha ka kynhun ïalehkai ba 15 ngut la pynrung ruh ïa u Anish Charak bad u Md Nafees Siddique ha ka jaka jong u Ram Gurung bad u Chengkam Sangma.
Ki rangïalehkai na ka bynta ka jingïalehkai kaba san bad ba hynriew ha ka Ranji Trophy 2024-25 ki kynthup ïa u Aryan Borah, Akash Kumar Choudhary (C), Anish Charak, Arpit Bhatewara (WK), Baman-bha Shangpliang, Bijon Dey, Dippu Sangma (V-C), Jaskirat Singh Sach-deva, Kishan Lyngdoh, Roshan Warbah, Lerry G Sangma, Md Nafees Siddique, Ajay Duhan (BCCI approved guest player), Sumit Kumar (BCCI approved guest player), Anirudh B (BCCI approved guest player). Kiwei pat kiba la pynap lypa ki long u Adarsh Joshi, Ram Gurung, Wanlambok Nongkhlaw, Shembhalang Pyngrope bad u Arien B. Sangma.
Ki coach ki long u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad Bah Dister Marbaniang (Manager).
