Shillong, Naiwieng 11
Ha ka jingïaid lynti kaba thymmai sha ka kam ïalehkai, ka Nangkiew Irat Sports Club ka la pdiang sngewbha ïa u trai bathym -mai u Naga Manda Sangma uba long u nongkhaïi ba paw ka Jylla bad uba don ka jing-sngewtynnat kaba jylliew na ka bynta ban kyntiew ïa ka jingïalehkai phutbol.
Ka Edgy Sports Management ka la ong, ”Ïa ka jingïateh la mynjur bad ïasoi ha kaba sdang jong u snem 2024 na ka bynta ka pisa kaba ym shym la pynpaw bad la kyrpad ban ïarap ïa ka klob na ka bynta ka samoi ïalehkai jong u snem 2024. Kumta ngi sngewkmen ban noh synñiang sha ka jingkiew jong ka phutbol bad ngin ïaleh ban kyntiew ïa kane ka klob kaba ngi la pynlut.”
U Sangma, uba long uba paw bha ha ka kam khaïi- pateng, u wanrah bad u ym tang ïa ka jingshemphang kaba bun hynrei u wanrah ruh ïa ka jingthmu kaba skhem na ka bynta ka lawei jong ka Nangkiew Irat Sports Club. Ka jingaiti jong u ïa ka jingïalehkai bad ïa ka imlang-sahlang, ryngkat bad ka jingkyrshan jong ka ka kam khaïi jong u kaba la seng bha bad ka jinglong babha jong kiba don sawdong bad u, ka buh ïa ka lynti na ka bynta ka jingïaid lynti kaba thrang bad kaba sngewtynnad ha khmat.
Kawei na ki thong ba kongsan jong u Sangma ka long ban kyntiew ïa ka Nangkiew Irat Sports Club sha ki kyrdan bathymmai da ka jingthmu kaba shai ban ïalam ïa kane ka klob sha ka I-League ha ka lawei ka ban wan. Da ka jingïohi jngai jong u, ka jingstad ha ka kam khaïi kaba khlaiñ, bad ka jingaiti lut ha ka kam ban kyntiew ïa ka phutbol, u la pynkhreh ban rah ïa ka Nangkiew Irat Sports Club sha ka kyrdan kaba kham shalor, hapoh bad shabar jong ka madan.
Hapoh ka jingïalam jong u Sangma, ka klob ka thmu ban bei tyngka ha ka jingpynroi ïa ki samla, bad ka jingwad bniah ban pynthikna ba ka kynhun kan long kaba la pynkhreh bha na ka bynta ki jingeh jong ka phutbol ba ha khlieh duh. Ka jingïeid jong u ïa ka jingïalehkai bad ka jingkyrshan ba khlem artatien jong u ïa ka jingroi jong ka klob khlem artatien kan long ka bor ka ban pynlong ïa ka Nangkiew Irat ban jop ha ka lawei ka ban wan.
