Shillong, Naiwieng 11
Ka Junior Girls Selection Committee jong ka Meghalaya Cricket Asso-ciation ka la pynbna ïa ki kyrteng ki 15 ngut ki ‘thei ïalehkai na ka bynta ban pynkhreh ïa ka kynhun ka ban mihkhmat ïa ka Jylla ha ka U-15 Women’s One Day Trophy jong ka BCCI, ka ban long ha Odisha naduh ka 21 haduh ka 29 tarik mynta u bnai.
Ka rukom ban poi sha kane ka kyrdan ka la long kaba jrong bha, ha kaba ki khynnah kynthei ki hap ban ïaid lyngba ka TW-3 bone test na ka bynta ban pynshisha ïa ka rta jong ki, katkum ki kyndon jong ka BCCI, bad nangta sa leit sha ka prokram jied (selection trial) kaba lai sngi ha Nongkhrah, Ri-Bhoi. Ki nongïalehkai kiba la shah jied mynta kin ïashim bynta ha ka jingpynkhreh ka ban neh ar taïew ha Nongkhrah. Nangta kane ka kynhun kan sa leit leit sha Odisha ha ka 18 tarik.
Ki kyrteng ki ‘thei ïalehkai ka Jylla ki longk a Jennifer Fancon (C), Deijiana M Sangma (V-C), Rafinia Ryntathiang (WK), Leeny Rai, Name-sha A. Marak, Sweetcy-mary Khongthang, Ban-chilla R Marak, Sharaisuk Marpna, Adalyn Fedelia Lyngkhoi, Joanna Pyng-rope, Diya Biswa, Anniba Aiyosha D Sangma, Priya, Isha Ray & Bijime Ch Momin. Katba ki la pynap lypa ki long ka Rija-nailang Peinlang, Eliza Lyngdoh, Beneros D Shira, Evanrihun Sohshang & Reavydaysha Lyngkhoi.
Ki coach ki long ka Rupashree Sharma (Head Coach), Bhakupar Mylliemngap (Assistant Coach), Sweety Marboh (Trainer), Jakrimbal D Arengh (Physio) bad ka Phibakordor Diengdoh (Manager).
