Jowai, Naiwieng 11
Ka Chutwakhu ka la lah ban pynthikna ban jam sha ka final ha ka lympung ïalehkai 1st Division Football Tournament (Chatister Kharkongor Memorial Trophy) ba la pynïaid da ka West Jaiñtia District Sports Association (WJDSA).
Kane ka la wan hadien ba ka la pynliem noh ïa ka Khliehïongriang da 1-0 kol ha ka jingïakhun semi final kaba la long ha ka Lah Sngi U Blei ha Kiang Nangbah Stadium kaba ha Jowai.
Ïa kane ka shi kol jong ka Chutwakhu la thep da u Faithful Bthuh ha ka minit kaba 7 kaba la biang pura ïa ka Chutwakhu ban ïoh syndon ïa ka jingjop.
Kawei pat ka jingïakhun semi final kan long ha ka Sngi Ba-ar hapdeng ka Mooknor Thadmuthlong pyrshah ïa ka Sohmynting ha ka por 1:30 baje nohphai sngi.
