Shillong, Naiwieng 12
Ka jingïoh kurup ki bor pahara ha kane ka por ilekshon naduh ba la treikam ki kyndon pynïaid ilekshon shiteng samoi ha Gambegre haduh ban da kut ka jingïalap ilekshon ka la kot sha T. 11 lak duna eiei.
Ka jingïoh kurup ka kynthup ïa ka kyiad, drok, bad kiwei kiwei ki tiar kiba la suba thmu ban sam sha ki paidbah.
La ong ba baroh ki jingïoh kurup kat haduh ka 11 tarik tarik Naiwieng, 2024 ki kot sha ka T.10,86,613.
Hynrei ym don ka jingïoh kurup pisa na kino-kino ki briew kiba rah pisa hapoh ka konstitwensi.
Ha kawei pat ka liang, u kyrtong ka BJP, u Bernard Marak u la pynphriang kawei ka dur-khih (video) ha kaba u la kynnoh ba uwei u MDC ka NPP u shong da kawei ka kali ha ryngkat ka jingsynran ki pulit ban sam pisa hynrei u la shah kthong noh.
Hynrei une u kyrtong ka BJP u khlem lah satia ban batai shai kaei ka kyrteng jong uta u MDC, mynno ka jia kata ka jingthmu ban sam pisa bad ka jingshah kthong jong u, bad ha kano ka jaka ka la jia kumtei.
