Jowai, Naiwieng 12
Ka Mooknor Thadmuthlong ka la rung sha ka final jong ka lympung ïalehkai 1st Division Football Tournament-12th Chatister Kharkongor Memorial Trophy ba la pynïaid da ka West Jaiñtia District Sports Association (WJDSA).
Kane ka la wan hadien ba ka Mooknor Thadmuthlong ka la pynliem da 3-0 kol ïa ka Sohmynting ha ka jingïalehkai semi final kaba la long ha madan Kiang Nangbah Stadium, Jowai ha ka Sngi Ba-ar jong ka taïew. Ïa kine kol jong ka Mooknor Thadmuthlong la thep da u Ioh i Dhar ha ka minit ba 42 & 90+2 bad Manhok Suchiang ha ka minit ba 84.
Ka jingïakhun final kan long ha ka 16 tarik Naiwieng hapdeng ka Chutwakhu bad Mooknor Thadmuthlong ha ka por 1.00 baje mynsngi.
Ha shwa kane ka jingïalehkai Super Division Football Tournament- U Kiang Nangbah Memorial Trophy 2024, ka Mukhla Raij ka la pynliem ïa ka Sailung Ialong da 4-1 kol. Ïa ki kol jong ka Mukhla Raij la thep da u Rikamlang Sumer ha ka minit 23, Chandame Suna ha ka minit ba 51 & 55 bad Tedyson Bang ha ka minit ba 60, katba ïa ka kol jong ka Sailung Ialong la thep da u Masan War ha ka minit ba 70.
Ka jingïalehkai mynta ka sngi kan long hapdeng ka Ladthadboh SC bad 7 Wasa United ha ka por 2.00 baje nohphai sngi.
