Khliehriat, Naiwieng 13
Ka Diengshynrum SC bad Iatyllilang SC Hingaria ki la rung sha ka semi final jong ka lympung ïalehkai 1st Division Football Tournament ba la pynïaid da ka East Jaiñtia Hills District Football Associa-tion (EJHDFA).
Kane ka la wan hadien ba kine ar kynhun ki la ïoh jingjop ha ka jingïalehkai quarter final kaba la long ha madan EJDSA Arti-ficial Turf, Diengshynrum ha ka Sngi Balang.
Haba phai sha ka jingïalehkai, ka Dieng-shynrum SC ka la pynliem da 5-1 kol ïa ka Bataw YWSC. Ïa kine kol jong ka Diengshynrum la thep da u Leki Dkhar ha ka minit kaba 25 & 29, Khrehbha Lyngdoh 73, Welson Lyngdoh 76 bad Fadical Pohshna 81. Katba ka shi kol jong ka Bataw la thep da u Mihshwa Lyngdoh ha ka minit kaba 31.
Ha ka jingïalehkai kaba bud, ka jingïakhun ha ka por ba la buh ka la kut noh da ka jingïakhaid mar 2-2 kol hapdeng ka Iatyllilang SC Hingaria bad Rymbai Synrang Shahkhain SC. Ïa ki kol jong ka Iatyllilang SC Hingaria la thep da u Joshua Surong ha ka minit kaba 22 & 49 bad ïa ki kol jong ka Rymbai Synrang Shahkhain la thep da u Jeremy Nongtdu ha ka minit kaba 47 bad Hikaidame Bareh ha ka minit kaba 76. Kumta ban ïoh ïa ka rai rem rai jop la rah sha ka jingïashut Tie Breaker bad dei hangne ba ka Iatyllilang SC Hingaria ka la jop da 3-1kol ïa ka Rymbai Synrang Shahkhain.
