Khliehriat, Naiwieng 14
Ka jingïalehkai Super Division Football Tour-nament-4th Kyrmen Shylla Contribution Trophy ba la pynïaid da ka East Jaiñtia Hills District Football Association (EJHDFA) ka la ïaid shaid-shaid ha madan EJDSA Artificial Turf, Diengshynrum.
Ha ka jingïalehkai kaba la long ha ka Sngi Palei ha baroh ar tylli ki jingïakhun ki la kut noh da ka jingïakhaid.
Ka jingïalehkai hapdeng ka Thangskai Tiger SC bad Sutnga SSCC, ki la kut da ka jingïakhaid mar 1-1 kol. Na ka bynta ka kol jong ka Sutnga SSCC la thep da u Raplangki Lyngdoh (1) bad ka Thangskai Tiger ka la lah ban pynïakhaid ha ka minit kaba 19 ba la thep da u Vendy Nongtdu. Kine ar kol ki la neh haduh bakut jong ka jing-ïalehkai.
Ha ka jingïalehkai kaba bud hapdeng ka Chiehruphi SYWSC bad Rymbai Ïawpynsing SC, ka jingïakhun ka la kut da mar 1-1 kol. Ïa ka kol jong ka Chiehruphi la thep da u Premi Muksor ha ka minit 26 katba ka Rymbai Ïawpynsing SC ka la la lah ban pynïakhaid ha ka minit kaba 78 lyngba ka kol ba la thep da u Thrangdor Swer.
Ha ka Sngi Thohdieng ka jingïalehkai kan long hapdeng ka Dhana SC bad Ladrymbai B SC ha ka por 11.45 baje mynstep. Ka Khliehriat West YWSC bad Rymbai Shkenshynriah SC ha ka por 2.15 baje nohphai sngi.
