Jowai, Naiwieng 14
Ka Racing Club De Blackheath ka kynhun ïalehkai na United Kingdom kan wan ha ka shnong Wahïajer, West Jaiñtia Hills District ban ïashim bynta ha ka lympung ïalehkai kaba tip kum ka Exhibitions Football Match ka ban long ha ka 18 tarik Naiwieng.
Ïa kane ka Exhibitions Football Match la pynlong da ka tnad Sports & Youth Affairs ka Sorkar Jylla ryngkat ka Meghalaya Institute of Governance (MIG), ka shlem treikam District Sports Officer (DSO), West Jaiñtia Hills bad Thadlaskeiñ Sports Association.
Ka Racing Club De Blackheath kan aireng pyrshah ïa ka Jaiñtia Veteran-11 ha ka por 11.00 baje mynstep ha madan Wahïajer Multi Sports Complex, Wahïajer.
