Shillong, Naiwieng 15
Haduh 12 ngut ki coach ka ri India ki la pass ïa ka AFC Pro License Diploma Course hadien ba ki la pyndep ïa ka Module 5 kaba la long ha Riyadh, Saudi Arabia.
Kitei ki coach ki la hap ban ïaid lyngba ki san tylli ki module kiba la sdang ha u Nailar 2023. Ïa ka Module 1 la sdang ha Chandigarh bad kiwei pat la pynlong ha Kolkata (Module 2), Chennai (Module 3), bad Bangalore (Module 4).
Ki coach kiba la pass ki kynthup ïa ka Priya PV, Arata Azumi, Caetano Infacio de Souza Pinho, Gourmangi Singh, Gumpe Rime, Raman Vijayan, Sajid Yousuf Dhar, Shameel Chembakath, Shuvendu Panda, Steven Benedic Dias, Thekkathara Gopalkrishnan Purushothaman bad u Yan Cheng Law.
