Khliehriat, Naiwieng 15
Ka Dhana CSC bad Rymbai Shkenshynriah SC ki la ïoh jingjop ha ka Super Division Football Tournament-4th Kyrmen Shylla Contribution Trophy ba la pynïaid da ka East Jaiñtia Hills District Football Association (EJHDFA) ha madan EJDSA Artificial Turf, Diengshynrum ha ka Sngi Thohdieng.
Ha ka jingïalehkai kaba nyngkong ka Dhana CSC ka la pynliem da 3-0 kol ïa ka Ladrymbai B SC. Ïa ki kol jong ka Dhana la thep da u Shot Swer (32), Pynio Dkhar (87) bad Marki Swer (90+1).
Ha ka jingïalehkai kaba bud, ka Rymbai Shkenshynriah ka la pynliem ïa ka Khliehriat West YWSC da 1-0 kol. Ïa kane ka kol la thep da u Fairdyson Bareh (64).
Ha ka Sngi Saitjaiñ kan don ka semi final jong ka lympung ïalehkai 1st Division hapdeng ka Wahïajer Narpuh YSSC bad Diengshynrum SC ha ka por 11.30 mynstep. Ka Shilliang Umshong bad Iatyllilang SC Hingria ha ka por 2.15 nohphai sngi.
