Amlarem, Naiwieng 17
Ka jingïalehkai hapdeng ka YC Pdengkarong bad ka Amlarem SC ka la kut ha ka jingïakhaid da 1-1 kol ha ka Super League, katba ka Traki Mawngap ka la jop da 1-0 kol pyrshah ïa ka Ryntin Amsongrhong bad ka Nongbareh Lyntiar ka la pynliem noh ïa ka Satpator da 1-0 kol ha ka Lower Division kaba la long ha ka Sngi Saitjaiñ.
Baroh ar tylli kine ki lympung dei kiba pynïaid da ka Amlarem Sub-Divisional Sports Association ha Mini Stadium kaba ha Ladjaplem, Amlarem.
Ha ka jingïalehkai Super League, ka Pdengkarong ka la lah ban pynïakhaid lyngba u Khanbit Langshiang ha ka minit kaba 82 hadien ba ka Amlarem ka la pynkhih jar nyngkong eh lyngba u Tori Jungao ha ka minit kaba 16.
Ha ka Lower Division, ka jingïalehkai hapdeng ka LM Amsarwai bad ka Twah U Sdiah ki la ïasam mar shi point hadien ba kim shym la la ban thep kol hadu kaba kut ka jingïalehkai.
