Shillong, Naiwieng 17
Ka tnat ïalehkai jong ka Sorkar Jylla ka la phah ïa ka kynhun ïalehkai Badminton ban leit shim bynta ha ka 68th National School Games 2024 ka ban long ha Narmadapuram, Madhya Pradesh ka ban sdang 17 tarik bad kut ha ka 21 tarik mynta u bnai.
Kane ka kynhun ka la mih na kane ka nongbah ha ka 15 tarik ba la synran da ka coach ka Eranecles Syiem bad Asst.Coach u Aibanker Kharbithai.
Ki kyrteng jong rangïalehkai (Under- 17 Boys) ki long u Pratham Majumdar (All Saints Diocesan HSS), Karlsten Diengdoh (St. Edmund’s School), Hasael Nealson Shabong (Phudmuri Presbyterian HSS), Enrique Syiem (Alpha English HSS Nongpoh) & Babrean M Momin (Alpha English HSS Nongpoh). Ha ka liang ki kynthei ki long ka Deiphisha Dohling (Synod HSS), Nihaka Lamare (St. Mary’s Mazzarello Girls HSS Jowai) & Haphisha Aurelia Massar (Seven Set HSS).
Ha ka liang ki rangïalehkai Under- 19 ki kynthup ïa u Mewanlamkupar Marbaniang (Mairang Presbyterian Academy SS) , Orpon Nongrum (JNV, Niangbari), Stephan N Marweiñ (Sati Raja Memorial SS, Umsning), Lemi Nelson K Suchiang (North Liberty HSS, Jowai), & Felix Osbert Nongrang (Mairang Vidyajyoti Inclusive SS, Mairang). Ha ka liang ki kynthei ki long ka Sengte Wasa D Shira (Don Bosco College, Tura), Carlynda Nongbri ( St. Edmunds HSS, Shillong), Nikkande Amara K Sangma (B.K Bajoria School) & Ridaphi Kharmawphlang (St. Edmund’s School, Shillong).
Kumta na ka liang ka tnat ïalehkai ka la ai khublei kitbok kitrwiang ïa katei ka kynhun ba kan ïalehkai bha ha katei ka lympung khnang ba ka lah ban wanrah nam na ka bynta ka Jylla hi baroh kawei.
