Jowai, Naiwieng 17
Ka Nongdawah SC ka la rung sha ka quarter final ha ka Invitation Knockout Football Tournament ba la pynïaid da ka Wahïajer SC hadien ba la lah ban pynliem noh ïa ka Ladthadlaboh SC da 7-2 kol ha ka Sngi Saitjaiñ.
Ïa kine ki hynñiew tylli ki kol la thep da u Banker Mynsong (32,66), Dibinroy Nongspung (55, 61), Walllamsuk Nongkhlaw (70), Kyrmen Nongpluh (74) bad u Twin Syngkon (78). Katba ïa ki ar kol jong ka Ladthalaboh la thep da u Lammida oo Dkhar (37 & 79). Ïa ka nam Man of the Match la ïohpdiang da u Dibinroy Nongspung.
Ka jingïakhun pre-quarter final kaba bud kan long ha ka 19 tarik hadpeng ka 11 Deilang FC pyrshah ïa ka Chaphrang Ïong-I FC ha ka por 1:30 nohphai sngi.
