Khliehriat, Naiwieng 18
Ka Rymbai Shkenshynriah SC ka la ïoh jingjop, katba ka Sutnga SSCC bad Ladrymbai B SC ki la ïasam mar shi poiñ ha ka lympung ïalehkai Super Division Football Tournament (4th Kyrmen Shylla Contribution Trophy) ba la pynïaid da ka East Jaiñtia Hills District Football Association (EJHDFA) ha ka Lah Sngi U Blei.
Ha katei ka jingïakhun kaba la long ha madan EJDSA Artificial Turf, Diengshyn-rum, ka Rymbai Shkenshynriah ka la pynliem noh ïa ka Rymbai Ïawpynsing SC da 1-0 kol bad ïa kane la thep da u One Enjoy Dkhar ha ka minit kaba 32.
Haba phai sha kawei pat ka jingïakhun ba ar hapdeng ka Sutnga SSCC bad Ladrymbai B SC ki la ïakhaid mar 2-2 kol. Ïa ki kol na ka bynta ka Sutnga SSCC la ïarap pynthep da u rangïalehkai ka liang pyrshah u Laxman Lamare ha ka minit kaba 19 bad kawei pat da u Skhemborlang Rupai (45+2). Hynrei ka Ladrymbai ka la lah ban pynphai kylla ha ka kylla miet lyngba u Sam Shylla ha ka minit kaba 49 bad kawei pat da u Rimetre Lyngdoh (76).
Ka jingïalehkai ha ka 19 tarik kan long hadpeng ka Dhana SC pyrshah ïa ka Thangskai Tiger SC ha ka por 11:45 mynstep, katba ka Khliehriat West YWSC ïa ka Chiehruphi SYWSC ha ka por 2:15 nohphai sngi.
