Jowai, Naiwieng 19
Ka Thangskai Tiger SC bad ka Chiehruphi SYWSC ki la khur jingjop ha ka lympung ïalehkai Super Division Football Tournament (4th Kyrmen Shylla Contribution Trophy) ba la pynïaid da ka East Jaiñtia Hills District Football Association (EJHDFA) ha ka sngi Ba-ar ha madan EJDSA Artificial Turf, Diengshynrum.
Ha ka jingïakhun kaba nyngkong, ka Thangskai Tiger SC ka la pynliem noh ïa ka Dhana CSC da 2-1 kol. Ïa ki kol jong ka Thangskai la thep da u Pynthymme Rymbai ha ka minit kaba (53) bad Maiki Nongtdu (68), hynrei ka Dhana ka la pynphai kylla shi kol lyngba u Wanlang Massar (60).
Ha ka jingïalehkai kaba bud, ka Chiehruphi SYWSC ka la jop da 2-1 kol ïa ka Khliehriat West YWSC. Ïa ki kol jong ka Chiehruphi la thep ar kol da u Premi Muksor (35 & 79), katba ïa ka shi kol jong ka Khliehriat West la thep da u Moneshwar Mohela (90+2).
Kane ka lympung kan bteng biang ha ka sngi 21 tarik hapdeng ka Ladrymbai B SC pyrshah ïa ka Rymbai Shkenshynriah ha ka por 11:45 baje mynstep, ka Rymbai Iawpynsing SC ïa ka Sutnga SSCC ha ka por 2:15 baje nohphai sngi.
