Jowai, Naiwieng 19
Ka 11 Deilang FC ka la jam sha ka quarter final ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club.
Kane ka la wan urlong hadien ba ka la lah ban pynliem noh ia ka Chaphrang Iong-I FC lyngba ka tie-breaker da 5-4 kol hadien ka jingïakhiad da mar 2-2 kol ha ka sngi Ba-ar ha madan Wahïajer Sports Complex.
Ïa ka kol jong ka 11 Deilang FC la thep da u Manbha Ïawphniaw ha ka minit kaba 9 bad 41 katba ïa ki kol jong ka Chaphrang Iong-I FC la thep da u Francis Mukhim (20 bad 79).Ïa ka nam Man of the Match la ïohpdiang da u Manbha Ïawphniaw.
Ka jingïalehkai ha ka 25 tarik kan long hapdeng ka Thadmusem pyrshah ïa ka New Shillong ha ka por 1:30 baje nohphai.
