Shillong, Naiwieng 19
13 ngut ki ‘rang bad ki ‘thei ïalehkai karate ka Jylla hapoh ka lama jong ka All Meghalaya Karate – Do Association (AMKA) ki la mih na ka nongbah ban leit shim bynta sha ka 1st Federation Cup Premier League & Youth League Karate Championship 2024 ka ban long ha Talkatora Indoor Stadium, New Delhi kaba la sdang naduh 17 haduh 23 tarik mynta u bnai.
Kine ki kynthup ïa u Gideon Tympuiñ (Senior Male Kumite -55kg & Senior Male Kata), Gregorwilson Makdoh (Junior Male Kumite -61kg & Junior Male Kata), Ferdinand Samkupar Rani (Junior Male Kumite -55kg & Junior Male Kata), Kynpham Kharkongor (Senior Male Kumite -67), Davyson Kharkongor (Senior Male Kumite -50kg), Ram Lanong (Junior Male Kumite -55kg), Bapynshongdor Dkhar (Junior Male Kumite -61kg), Iwannaki L. Khongji (Cadet Female Kumite -42kg), Cathy Sweety Nongrum (Senior Female Kumite -45kg), Barisha Kharbani (Senior Female Kumite -61kg), Sa-I Banmanbha S Blah (Junior Female Kumite -42kg), Nangkitbok Phira (Senior Male Kumite -55kg) bad u Dameban-merbha S. Blah (Senior Male Kumite -50kg). Ïa kane ka kynhun la ïalam da u Coach u Bah Donboklang Lyngdoh.
Na ka liang ka AMKA ka la ai khublei kitbok ïa kane ka kynhun ba kan ïalehkai bha khnang ba ka lah ban ïoh kheit ïa u soh ka jingjop ha katei ka lympung bad ruh ban wanrah burom ïa ka Jylla hi baroh kawei.
