Amlarem, Naiwieng 19
Ka Seinbhalang Shkentalang bad Umladkhur SC ki la ïasam mar shi point ha ka lympung ïalehkai Super Division, katba ka Amsohtai, Mupyut Dongwah ki la khur jingjop ha ka Lower Division Football Tournament ba la pynïaid da ka Amlarem Sub Divisional Sports Association (ASSA).
Ha ka jingïalehkai jong ka Super Division kaba la long ha madan Mini Stadium Ladjaplem, Amlarem ha ka sngi Ba-ar, ka Umladkhur SC bad Seinbhalang Shkentalang ki la ïakhaid mar 1-1 kol. Ïa ka kol jong ka Umladkhur la thep da u Khamti Lamurong lyngba ka penalty ha ka minit kaba 11, katba ka Seinbhalang Shkentalang ka la lah ban pynphai kylla lyngba u Sanu Dkhar (49).
Ha ka jingïalehkai jong ka Lower Division, ka Amsohtai SC ka la pynliem da 1-0 kol ïa ka Pdengkseh SC lyngba u Juban Tariang, uba la thep ha ka minit kaba 12.
Ha ka jingïalehkai kaba bud, ka Mupyut Dongwah ka la pynliem da 3-1 kol ïa ka Lajaplem. Ïa ki kol jong ka Mupyut Dongwah la thep da u Melis Pde ha ka minit kaba 11, kumjuh u Neeibiang (27) bad u Arwi (35), katba ïa ka kol jong ka Lajaplem la thep da u Kynsai Langsiang (31).
Ha kawei pat ka jingïakhun hapdeng ka Amlanai SC bad ka Kharkana SC ki la ïakhaid mar 1-1 kol. Na ka Amlanai la thep da u Nangkiew Lyting (15), Hynrei hadien shiteng kynta ka Kharkhana ka la lah ban pynphai kylla lyngba u Freedy Kongwang (35).
