Vijayawada, Naiwieng:
Kum shi bynta na ka jingthmu ban wanrah ka jingkylla ha ki jaka pule kiba kham shalor, ka sorkar Andhra Pradesh hapoh ka jingïalam jong u Myntri Rangbah u YS Jagan Mohan Reddy ka la hukum ïa ki heh ba dei khmih jong ka Higher Education Department ba ki dei ban khmih bniah ha baroh ki liang khnang ban lah ban pynbiang ïa ki jingdonkam bad ki jingduna baroh. Ha kaba ïadei bad kane ka jingthmu, u Myntri Rangbah u la hukum ïa ki heh sorkar ba ki dei ban phah pyndap ïa baroh ki jaka ba lait jong ki kam hikai ha baroh ki skulbah khlem ka jinglehtuh bad ban ïaleh katba lah ban pynbiang ïa ki rukom pyntreikam.”Ka jingai jingbit ha kaba ïadei bad ka jingpyndap ïa ki jaka ba lait jong ki kam hikai la dep ban ai. Lada ym don nonghikai kan myntoi aïiu ban don ïa ka skulbah? Lada kam shym don ka jinglong ba kyrpang, kam myntoi ban pynrung kam hikai,” u la ong ha kaba u la ban jur ba la dei ban pynïoh ïa ka kyrdan bad ka jingbha jong ka jaka pule.
Ha kaba ïadei bad ka jingong ba la donkam ban wanrah ïa ki jingpynkylla ha ki rukom ai jinghikai, u la ong ba dei tad haduh ban sa lah ban pynïoh ïa kine ki jingdonkam yn sa lah ban kyntiew ïa ki khynnah pule.
U la kwah ba ki skulbah ki la dei ban ai jingmut kaba bha tam ha kaba yn lah ban bud ha ki jaka nongkyndong, ki Ward Secretariats, RBKs bad ki Village Clinics ha ryngkat ka jingpynpaw shabar ha kaba ïadei bad ka jingtreikam jong ka Sub-Registrar bad Town Planning Departments. U la bthah ïa ki heh ba dei khmih ba ki dei ban Record ïa ki jingai jinghikai ba biang tam ha ki skulbah bad ban buh ïa ki ha ka Onlien na ka bynta ka jingmyntoi jong ki khynnah pule.
U la buh ka jingkyrpad ïa ki Vice-Chancellors jong kiba bun ki skulbah ha ka jylla ba ki dei ban wanrah ki jingpynkylla khnang ban lah ban kyntiew kyrdan ha kaba ïadei bad ka rukom ai jinghikai. U la ai jingmut ruh ba ki rukom ai jinghikai pyntbit ha ki skulbah kin plie lad ïa ki samla pule na ka bynta ba kin suk ha ka ban wad kam wad jam.
