Geneva, Naiwieng:
Ka World Health Organization (WHO), ha kane ka taiew ka la ai jingbit sa ia kawei pat ka dawai Mpox ha ka sien ba ar hadien ba ka la dep ban ai jingbit ia kawei ka dawai ha ki bnai ba la leit. Kane ka dawai tika ha kane ka sien pat ka dei kaba la shna bad pynmih da kawei ka kompeni KM Biologics jong ka ri Japan. Hynrei, ka WHO ka la ai jingbit ban shu pyndonkam ia kine ar tylli dawai tang na ka bynta ban ioh pyndonkam kyrkieh noh shipor khnang ban lah tehlakam ia ka jingsaphriang bad jingpur stet jong katei ka khlam khamtam ha kito ki ri kiba la shah ktah jur bha na ki thaiñ Africa.
Namar kata, la ong ba ka WHO ka la ai jingbit ban pyndonkam ia utei u dawai LC16m8 na ka bynta ban ioh pyndonkam kyrkieh ha kane ka por khnang ban ioh tehlakam ia ka jingpur stet jong katei ka khlam Mpox kaba ju tip paidbah baroh shi katta kum ka ‘Monkeypox’.
