Shillong, Naiwieng 24
Ka kynhun ïalehkai kickboxing ka Jylla hapoh ka lama jong ka All Megha-laya Kickboxing Asso-ciation (AMKA) ka la wan ha ka kyrdan balai bad khur 21 tylli ha ka National Kickboxing Championship 2024 kaba la long ha V.K Krishna Menon Indoor Stadium kaba ha Kozhikode, Kerala naduh 14 haduh 17 tarik mynta u bnai.
Kine ki kynthup ïa 9 tylli ki takma ksiar, mar 6 tylli ki takma rupa bad rnong. Ka Ïairisuk Syiem (Senior Full Contact) ka la ïohpdiang ïa ka nam Best Fighter.
Na ka liang katei ka synjuk ka la pynpaw ka jing-ai khublei ïa ki kmie ki kpa jong ki khynnah kiba la shah sngewbha ïa la ki jong ki khun bad ban pynshlur ïa ki ban wan ïalehkai kickboxing. Ka jingai khublei ka leit ruh sha ka St. Theresa na Mawlaingut, kumjuh ka Presbyterian School na Mawbri kumjuh ïa u Headmaster bad ki nonghikai kiba la don bynta lang ha kane ka jingleit shim bynta.
