Khliehriat, Naiwieng 25
Ka Dhana CSC ka la bteng ban ïoh jingjop ha ka lympung ïalehkai Super Division Football Tournament (4th Kyrmen Shylla Contribution Trophy) ba la pynïaid da ka East Jaiñtia Hills District Football Association (EJHDFA) ha ka Lah Sngi U Blei ha madan EJDSA Artificial kaba ha Deinshynrum.
Kane ka la wan urlong hadien ba ka pynliem noh ïa ka Rymbai Ïawpynsing SC da 2-1. Ïa ki kol jong ka Dhana la thep da u Nidapynio Dkhar ha ka minit kaba 31 bad u Phon Khaii (90), katba ïa ka kol jong ka Rymbai Ïawpynsing la thep da u Sumar Bareh (52).
Haba phai sha kawei pat ka jingïakhun kaba ar hapdeng ka Sutnga SSCC bad Khliehriat West YWSC ka la kut da ka jingïakhaid mar 2-2 kol. Ïa ki kol jong ka Khliehriat la thep da u Moneshwar Mohela (12 & 45+1), katba na ka Sutnga la thep da u Neesta Feeco Bamon (90+2) bad u Deligent Pdang (90+3).
