Jowai, Naiwieng 25
Ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club ka la bteng ha ka Lah Sngi U Blei ha kaba ka New Shillong ka la lah ban pynthikna ban jam sha ka quarter final hadien ba ka la ïoh jingjop ha madan Wahïajer Sports Complex.
Kane ka jinglah ban pynthikna ka la wan hadien ba ka la pynliem noh ïa ka Thadmusem da 4-3 kol. Ïa ki kol jong ka New Shillong la thep da u Bapynkmen Kharsati ha ka minit kaba 19, kumjuh u Basuklang Bina uba la thep ar kol ha ka minit ba 21 & 27 lem bad u Elmi-roy Kharumnuid (80+1). Na ka liang ka Thadmu-sem ka la lah ban pynphai kylla lyngba u Samuel Shadap ha ka minit ba 34 bad 49 lem bad u Samson Nongrum (80+4).
Ïa ka nam Man of the Match la ïohpdiang da u Basuklang Bina, uba long u rangïalehkai ka New Shillong.
Ki kynhun kiba la rung sha ka quarter final ki long ka Nongdawah SC, Friends United, YBSC Shella, Nangbah mulang, Jalapang, Sohphoh bad ka New Shillong.
Ka jingïakhun quarter final kaba nyngkong kan long ha ka 29 tarik mynta u bnai hapdeng ka Nangbah Mulang pyrshah ïa ka Friends United.
