Shillong, Naiwieng 26
Ka kynhun ki nongïalehkai ka Jylla kan leit ban ïashim bynta ha ka lympung ïalehkai table tennis ba la tip kum ka 3rd North East Circle Masters ka ban long ha Kohima naduh ka 28 haduh ka 30 tarik mynta u bnai.
Ha kane ka lympung yn leit shim bynta da phra ngut ki nongïalehkai ha ka kyrdan ïalehkai jong kiba 40, 50 bad 60 snem shaneng. Kine ki kynthup ïa u Santanu Ghosh, Bah A.G West, R.B Das, Bah Joel Roy Nongbri, B. Dasgupta, Suraj Joshi, Bah S. Pyngrope bad u H. Singha. Kumta kane ka kynhun kan mih na ka nongbah ha ka Sngi Balang.
