Jowai, Naiwieng 28
Ka Nangbah Mulang ka la pynliem da 3-0 kol ïa ka Sailung Ialong ha ka jingïakhun kaba khatduh. Kane ka la pynlong ïa kane kynhun ban bat ïa ka kyrdan kaba ha khliehduh ha ka miej kheiñ poiñ da kaba kamai 19 poiñ ha ka Super Division Football Tournament kaba pynïaid da ka West Jaiñtia District Sports Association (WJDSA) kaba long ha Kiang Nangbah Stadium ha ka Sngi Palei.
Ka Demthring ka la don ha ka kyrdan ba ar ryngkat 16 poiñ. Ka Wahïajer 14 poiñ bad ka Ladthadlaboh 11 poiñ hadien ka jingïakhaid da 2-2 kol kaba ki ïoh ban ïasam mar shi poiñ.
Haba phai sha jingïalehkai, ïa ki lai kol ka Nangbah Mulang la thep da u Roland Shylla (11), Niponghi Sumer (25) bad u Soniroy Suchiang (45+1)
Ka Wahïajer ka la tam shakhmat da 2-1 kol pyrshah ïa ka Ladthadlaboh, hynrei ha ka minit kaba khatduh ka Ladthadlaboh ka la tam kylla ïa ka jingïakhun lyngba ka kol kaba la thep da u Jervisly Rymbai (90+2). Shuwa kane ka kol la thep da u Buromlangki Salahe (54). Na ka liang ka Wahiajer la thep da u Riburom Jat (35) bad u Diceduous Pyrtuh (80).
