Shillong, Naiwieng 29
Ka Baroda ka la sei madan ïa ka sap bad ka jingtbit jong ka ha ka jingïakhun pyrshah ïa ka Meghalaya ha ka sngi kaba ar jong ka lympung ïalehkai U-19 men’s Cooch Behar Trophy Elite (Group-A) ba la long ha madan ka MCA ha Polo da kaba ka la lah ba kan tam da kumba 430 ron ha ka pali wan tied ba nyngkong jong ka
Haba wan ban bteng ïa la ka pali na ka 55/0 hadien ba ka Meghalaya ka la kamai 178 ron, ki nongtied ka Baroda la shem pynban ba ki la muja bha ïalade ban ïalehkai ha kane ka madan, khamtam lei lei na u kapten u Nitya J. Pandya uba la lah ban kamai 177 ron na ki 183 tylli ki bol hashwa ba un shah pynkhyllem noh ha u Gaurav Thakuria.
U Pandya u dei ruh u rangïalehkai ba la mihkhmat ïa ka kynhun ïalehkai U-19 jong ka ri India ha kaba u la lah ban kamai ïa ki artylli ki shiteng spah ron ha ka jingïakhun pyrshah ïa ka Australia.
Na ka 482 ron hadien ba la shah pynhap tang kawei ka wiket.
Na ka liang ki nongka-wang bol jong ka Megha -laya uba la ïoh ban khur bun tylli ki wiket lyngba u Salchang M. Sangma uba la khur 3 wiket na ka bynta 83 ron na ki 12 over,ha kaba kine ki lai tylli ki wiket ki dei kiba u la ïoh ban khur tang hapdeng ki 7 tylli ki bol bad ba u la don teng ha ka thong jong ka hat-trick.
Shuh shuh ha kane ka kynti la shem bad ïohi ba ka Meghalaya ka la pyndonkam haduh 9 ngut ki nongkawang bol bad kyrmen ha ka sngi kaba bud kin lah ban pynhap lut ïa ki wiket ba dangsah jong ka Baroda.
