Ka rukom rep kdait lane synshar ka long ka jingpynjot ïa ka Mei Mariang. Balei nga ong kumne, Ka daw ka long namar ka rep synsar ka pynlyngkhuit ïa ki lum ki wah bad ym don dieng don siej ki ban mih ha ki jaka ba la bun u synsar. Ka long ruh ba ka khyndew sboh ka la duh noh ïa ka um bad ka la kylla tyrkhong na ki jaka mih bun u synsar.
Une u synsar u long u jingthung uba kjit ïa ka um bad ka jaka ba mih bun une u synsar u mih kam don shuh ka jingplung ka khyndew namar ïa ka um u kjit. Dei halor kane ka daw nga ong ba ka rukom rep kdait lane synsar ka pynjot ïa ka mei mariang. Une u kdait lane u synsar u mih bha wat ha ki jaka tyngkhap maw bad ha ki dew shyiap khleh maw ruh. Katno tam ha ki jaka dewmet haba u mih bha une u synsar la duh noh ka rep ïa kiwei ki jait jingthung kiba ai jingmyntoi ïa kiba rep ki jingthung ba bun jait. U synshar u pyntyrkhong ïa ka khyndew.
U long pher na kiwei kiwei ki jingthung namar u mih halor ki dew shy-iap bad ha ka dewmet ka met mariang. Wat la u synsar u ai jingmyntoi ïa kiba rep ïa u hynrei u pynjot ïa ka rep ka riang ka mei mariang bad u pyntyrkhong ïa ka khyndew. Te ban pynshlur ïa ka rep synsar ka long kumba pynjot ïa ka mariang.
Kam don jingmut ban pynneh mariang haba ïa ka rukom rep synsar la ithuh kum u mar rep. Ki jaka sboh ki kylla dewshrah lut ha une u synsar. Kumta lada ngi rep makna ïa u synsar ngi dei ban rep ha ki jaka ki bym da long kiwei kiwei ki jait jingthung, ym ban rep ha ki dewmet ba sboh ka khyndew.
C. B. Iawphniaw
