Shillong, Naiwieng 29
Ka kynhun ki khynnah ïalehkai Roll Ball ka Jylla kaba don 7 ngut ki shynrang bad 5 ngut ki kynthei kin mihkhmat ïa ka Jylla sha ka lympung ïalehkai 2nd Junior Under 17 East Zone National Roll Ball Championship, kaba la buh ban long ha Guwa-hati, Assam naduh ka 30 tarik mynta u bnai bad kan kut ha ka 1 tarik u Nohprah mynta u snem.
Kane ka kynhun ryng-kat bad ki nongkitkam, ka la pynkhreh ban ïalehkai pyrshah bad ki kynhun kiba lah tbit kum ka Assam, Bihar, Chhattisgar, Aruna -chal Pradesh, Manipur bad ka West Bengal.
Ka kynhun jong ki shynrang ka kynthup ïa u Dawanme G. Chyrmang (Captain), Mewanshan-lang Nongbri (Vice Cap-tain), Norbet N. Nongkyn-rih, Elnathan D. Kshiar (GK), Mark A Ïawphniaw (GK), Reuvan D Syiem bad u Ferrnando E. Pyngrope.
Katba ka kynhun jong ki kynthei ka kynthup ïa ka Breanna N. Sootinck (Captain), Eviana L. Kshiar, Mystica Ïawphniaw (GK), Snegdha P. Baruah bad ka Zadrina Nongsiang (Vice Captain).
Ïa kine ki kynhun yn ïalam da ki coach kiba kynthup ïa u Bah Caldy Steward Nongsiang (WK-HD) bad Manager Bah Freedy L. Marboh. Kumta na ka liang ka Meghalaya Roll Ball Association ka la kitbok-kitrwiang ïa kine ki ‘rang bad ki ‘thei kynsai ka Jylla ba kin ïalehkai bha bad wanrah ïa ka burom sha ka jylla.
