Shillong, Naiwieng 29
Ka Shillong Lajong FC kan pynkhreh ïa ka jingïakhun ha ka lympung I-League pyrshah ïa ka Dempo SC ha ka janmiet jong ka sngi Saitjaiñ ha SSA Stadium kaba ha First Ground, Polo.
Kane ka long ka jingïakhun ba ar na ka bynta kane ka kynhun jong kane ka nongbah pyrshah ïa kawei pat ka kynhun kaba na Goa ha ka por 7 baje janmiet.
Lah ban kdew ba ka jingïakhun ba la dep, ka Lajong ka la lah ban pynïakhaid mar 2-2 kol pyrshah ïa ka Churchill Brothers, hynrei ha kane ka jingïakhun kaba ar ka la khmih lynti ban khur ïa ki lai point namar ka thong jong kane ka klob hapoh ka jingïalam u Jose Carlos Rodriguez Hevia (coach) ka long ban bat ïa ka kyrdan ba ha khlieh.
