Amlarem, Nohprah 01
Ka Pamtbuh SC bad ka Umladkhur SC ki la ïasam mar shi point ha ka lympung ïalehkai Super Division, katba ka Amjajer Roko bad Lumpyngngad ki la ïoh jingjop ha ka Lower Division Football Tournament ba la pynïaid da ka Amlarem Sub Divisional Sports Association (ASSA) ha Mini Stadium Ladjaplem kaba ha Amlarem ha ka sngi Saitjaiñ.
Ha ka jingïalehkai jong ka Super Division, ka Pamtbuh SC bad Umladkhur SC ki la ïakhaid mar 1-1 kol. Tang mar ïasdang ka jingïalehkai ka Pamtbuh ka la pynkhih jar nyngkong ha ka minit kaba 7 lyngba u Kyntu Nongwa, hynrei ka Umladkhur ka la lah ban pynphai kylla ha ka kylla miet lyngba u lyngba u Soki Khaii ha ka minit kaba 53.
Ha ki jingïalehkai jong ka Lower Division ka Amjaajer Roko ka la jop da 4-0 kol ïa ka ACP Padu. U Kyrsoi Langsiang u la ïoh da ka hat-trick hadien ba u la thep ha ka minit 25, 27 & 50, katba ïa ka kol kaba kham hashwa la thep da u Kyrshan Tariang (15).
Ha ka jingïakhun hapdeng ka Amsarim bad ka Darang ki la ïakhaid khlem da lah ban pynkhih jar.
Ha kawei pat ka jingïalehkai, ka Lumpyngngad ka la pynliem noh ïa ka Nongshilliang lyngba ka shi kol ba la thep da u Theofilious Swer ha ka minit kaba 16.
