Jowai, Nohprah 01
Ka lympung ïalehkai Super Division ba la pynïaid da ka Saipung Block Sports Association (SBSA) ka la nangjam shaphrang ha ka sngi Saitjaiñ ha madan Lam-yrsiang ha kaba ka Tluh SC bad ka Mulait United SC ki la ïasam mar shi point hadien ba ki la ïakhaid mar 1-1 kol.
Ka Mulait United ka la pynkhih jar nyngkong eh lyngba u Seimmingam (32), hynrei ka Tluh ka la pynïakhaid kylla lyngba u Pynskhem Dhar (63).
Haba phai sha kawei pat ka jingïakhun kaba ar hapdeng ka Shnongrim pyrshah ïa ka Lamyrsiang SC ki la ïakhaid khlem da lah ban pynkhih jar.
