Shillong, Nohprah 01
Ka Mawliehpoh SC ka la ïoh jingjop ha ka Second Division Football Tournament 2024 ba la pynïaid da ka Tyrsad Area Sports Association (TASA), hadien ba ka la lah ban pynliem noh ïa ka Ramklang SC da 3-1 kol ha ka sngi Saitjaiñ ha madan ïalehkai kaba ha Tyrsad.
Tang mar ïasdang ka jingïalehkai ka Mawlieh-poh ka la pynkhih jar lyngba u Shalistar Rani ha ka minit kaba 2. Hynrei hadien shiteng kynta ka Ramklang ka la lah ban pynphai kylla lyngba u Khlaiñbok Ryntathiang ha ka minit kaba 37 na ka bynta ban ïakhaid haduh kaba kut jong ka kylla step.
Ka Mawliehpoh ka la thep biang sa ar kol ha ka kylla miet lyngba u Diblest Kharbuki ha ka minit kaba 57 bad ia kawei pat la thep da u Shining Lyngdoh (64) na ka bynta ban ïoh jingjop shisyndon .
Haba phai sha ka jing-ïalehkai jong ka Third Division, ka Mawtyng-ngor SC ka la pynliem noh ïa ka Mawpalong SC lyngba ka shi kol ba la thep da u Tibanroy Nongsiej (68) bad ka Laitmawpem SC ka la jop ïa ka Wahnongkseh SC.
Ha ka jingïalehkai jong ka First Division ha ka Lah Sngi U Blei kan long hapdeng ka Kyrphei SC pyrshah ïa ka Mawlum Tyrsad SC ha ka por -12 baje mynsngi, katba ka Rangshangkham SC ïa ka Thainthynroh SC ha ka por 2:30 janmiet.
