Nongstoiñ, Nohprah 01
Ka kynhun ïalehkai jong ka Rambrai SC ka la long la lahduh ha ka lympung ïalehkai phutbol ba la tip ruh kum ka Mawkohïew Knockout Football Tourna -ment 2024 ba la pynïaid da ka Mawkohiew Youth Sports Club & Cultural Association.
Kane ka nam jop ka la wan urlong hadien ba ka la lah ban pynliem noh ïa ka Mawkohïew YSC& CA lyngba ka tie-breaker da 7-6 kol hadien ba kim shym la lah ban thep kol haduh kaba kut ka jingïalehkai final kaba la long ha ka sngi Saitjaiñ ha madan Mawkohïew, West Khasi Hills.
Haba phai sha katei ka sngi pynhap pyrda ïa katei ka lympung, la donlang ruh u Sordar barim ka shnong Mawkohïew u Bah Spainlang Sun, u sordar ba thymmai ka shnong Maw-kohïew u Bah R.Warjri ha ka jingdonlang ruh u Bah Kharlessbon Nongbri, President ka Mawkohïew YSC&CA bad kiwei kiwei ki nongkitkam, ki ‘riew rangbah jong ka thaiñ Rambrai bad kiwei kiwei.
Lyngba katei ka jing-jop ka Rambrai ka la ïohpdiang ïa ka song pisa kaba T. 25,000 ha ryngkat ki trophy, ki takma katba ka Mawkohïew ka la ïohpdiang T.15,000 ha ryngkat ka trophy, ki takma.
Ïa ka nam Best Goalkeeper la ïohpdiang da u Comfort Kharsyn-tiew na ka kynhun ïaleh-kai jong ka Mawkohïew, ïa ka Best Players la ïoh da u Bantei Syiem na ka Umsiej SC, Top Scorer ka leit sha u Shai Nongsiej na ka Rambrai Sports Club, katba ïa ka nam Best Decipline Team la ïoh da ka Rynñiaw SC.
Lah ban kadew hangne ba ha katei ka lympung ïalehkai ki don haduh 32 tylli ki kynhun kiba la wan ban ïashim bynta.
