Washington, Nohprah:
Ka Vice-Presid-ent jong ka United States, ka Kamala Harris ha ka jingkren lyngba kawei kadurkhih kaba la pyllait paidbah ha karynsan ‘Social Media’ X hadien ba ka la shah rem noh ha u Donald Trump ha ka ilekshon President mynta u snem, ka la kren beit pyrshah sha ki nongbud jong ka seng Democratic Party bad ong ba ki dei ban pyrkhat sani bha shuwa ba kin shah knieh ia ka bor bad ia ki hok tynrai jong ki ha kiwei pat ki bor synshar.
Namarkata, ha katei ka dur-khih, ka Kamala Harris ka la maham ia ki paidbah ba ki dei ban bishar bniah bha ia ka jinglong jingman bad phikir ruh ioh kin shah knieh lut ia ka bor bad ki hok ba ki dei ban ioh kum ki paidbah. Kumjuh ka la maham ruh sha ki nongbud jong katei ka seng ba kim dei ban shah pynthame da ki jinghikai jong utei u nongialam bathymmai hynrei ki dei ban bat ia ki rukom bad ki aiñ kumba ki ju leh naduh ki snem ba la leit hapoh ka jingsynshar jong ka sorkar u Biden.
