Shillong, Nohprah 01
Ka kynhun ïalehkai jong ka Ribhoi United FC kan ïakhun pyrshah ïa ka Se-Lajong FC mynta ka Lah Sngi U Blei (2 tarik) ha ka lympung ïalehkai Mawlangwir Invitation Football Tournament 2024-25 ba la pynïaid da ka Mawlangwir Sports Club ha Rowell Lyngdoh Stadium kaba ha Saitsnad, Mawlangwir, SWKHD.
Kum ban shu kdew, kane ka lympung ka dei kaba heh duh hapoh ka thaiñ South West Khasi Hills ha kaba ka khusnam kan long da ka song pisa T. 12 lak ryngkat ki trophy.
Na ka liang ka MSC ka la pyntip ruh ba ka dor jong ka bai tiket kan long T.100 tyngka marwei bad kan don ruh ka jingpynlehkai khalai nusib ïa ki paidbah ‘riew ïeit phutbol.
