Shillong, Nohprah 01
Ka South West Khasi Hills District Athletic Association (SWKHDAA) kan jied khynnah ïalehkai Athletics ki ban mihkhmat ïa ka district sha ka 6th Meghalaya Games ka ban long ha Jowai Wahïajer Stadium, West Jaiñtia Hills District naduh 21 haduh 25 tarik u Kyllalyngkot jong u snen ban wan.
Kane ka jingpyrshang (trials) kan long ha ka 6 tarik mynta u bnai naduh ka por 8 baje mynstep ha Madan Maw-myrïong kaba ha Sakwang, South West Khasi Hills. Ki jingïalehkai ki kynthup ïa ki jingmareh 100mts, 200 mts, 400mts, 800mts, Long Jump, High Jump, Relay 4×100, 4×400 Mixed Relay.
Kumta kat kum ka kyrwoh ba la pyllait da u General Secretary Bah S.E Wanñiang bad u President Bah B. Lyngkhoi, la kyrpad ïa baroh ki klob na ka District ba kin phah ïa ki khynnah ïalehkai kynthei bad shynrang ban wan ha katei ka sngi ba la buh.
